مريض الكبد ….والصيام . ببساطة واختصار شديد

كتبه. د. السيد إمام _ معهد الكبد بالقاهرة

لو حضرتك مريض فيروس سي وبتاخد علاج الفيروس
( السوفالدي ) مفيش مشكلة خالص ممكن تصوم عادي
وتاخد العلاج بتاعك بين الفطار والسحور.

_ لو حضرتك مريض فيروس بي وسواء بتابع فقط أو بتاخد علاج ، نفس الكلام السابق تصوم عادي جدا.

_ لو عندك تليف بالكبد بس مفيش استسقاء بالبطن ومبتخدش مدرات بول لو تقدر تصوم مفيش مشكلة وتشرب ميه كويس جدا بعد الفطار والسحور , ولو تعبت ممكن تفطر بعض الأيام وتقضيها بعدين .

_ لو حضرتك مريض تليف بالكبد واستسقاء بالبطن وبتاخد مدرات بول : يبقى مينفعش تصوم خالص ومطلوب تشرب ميه كويس طول اليوم علشان ميحصلش جفاف بالكليتين . وما عليك قضاء ، فقط تطعم عن كل يوم مسكين بمعنى تخرج عن كل يوم تقريباً من
٣٠__٥٠ جنيه.

_ مريض الغسيل الكلوي أو الأورام أو مريض السكر إللي بياخد انسولين طول اليوم : نفس الكلام السابق يفطر ويطعم فقط وليس عليه قضاء.

قال تعالى :
( شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ ) سورة البقرة الاية رقم 185.

تقبل الله منا ومنكم صالح الأعمال وغفر الله لنا ولكم .

اترك رد

%d